Компанийн танилцуулга

Даатгалын шийдэл Нөхөн төлбөр Тайлан мэдээ Ажлын байр

Монгол · English

Компанийн танилцуулга

АМАР ДААТГАЛ ХХК-ийн ҮНЭТ ЗҮЙЛС

Манай байгууллагын үнэт зүйлсийн нэг бол бидний харилцагч юм. Иймдээ ч бид харилцагч бүрдээ хэрэгцээ шаардлагад нь нийцсэн, амьдралд ойрхон, шинэлэг даатгалын бүтээгдэхүүнийг хөгжүүлж хүргэх, үйлчилгээг хүртээмжтэй, хялбар хийгээд дэвшилтэт байлгахыг үргэлж зорин ажилладаг.

БИД ЮУНД ИТГЭДЭГ ВЭ?

Хүмүүн бидэнд бие биенээ энэрэн нигүүлсэх, хайрлан халамжлах зөн совин, аюул ослоос хамгаалах, амьдралын сорилтуудыг хамтдаа туулах заяагдмал гайхамшигт чанар бий. Эдгээр чанар нь итгэл дээр суурилсан даатгалын үйлчилгээ мэндлэх үндэс болсон бөгөөд, даатгалын үндсэн зарчим бол
даатгуулагч бүр эрсдэлд өртсөн нэгнийхээ гарз хохирлыг хамтын хүчээр давах явдал билээ.

Даатгалын бүтээгдэхүүн нь харилцагчийн итгэл, бидний амлалт. Тиймээс бид итгэл дээр суурилж хүн төрөлхтний нийтлэг үнэт зүйл болох хүний амь нас, эрүүл мэнд, гэр бүл, өмч хөрөнгийг хамгаалахын төлөө ажилладаг.


НЭГДЭЛ	ИТГЭЛ	ТҮНШЛЭЛ
Бид харилцагчаа эрсдэлээ хамгаалахаар нэгдсэн хамт олон юм.	Харилцагчийн бидэнд хүлээлгэсэн итгэл, хариуцлага бол оршин тогтнох үндэс.	Бид зөвхөн нөхөн төлбөр олгох бус, эрсдэлээ зөв удирдахад хамтрагч нь байна.

ИННОВАЦИ	ҮР ӨГӨӨЖ
Технологийн дэвшил, шинэлэг шийдлийг үргэлж эрэлхийлнэ.	Бид ойрын ашгаас илүү урт хугацааны хамтын хөгжлийг эрхэмлэнэ.

Эрхэм зорилго

Хүн төрөлхтний нийтлэг үнэт зүйлийг сахин хамгаалж, хүн төвтэй, мэргэжлийн ёс зүйг эрхэмлэсэн олон улсын даатгалын байгууллага болно.

Алсын хараа

Мэргэжлийн ёс зүй, мэргэшсэн үйлчилгээ, тэргүүлэгч инновацыг нэвтрүүлэн эерэг, хялбар, оновчтой даатгалын үйлчилгээг хэрэглэгчдэдээ хүргэж, эрсдэлээс хамгаалагдсан ирээдүйг цогцлооход хувь нэмрээ оруулан хамтдаа үнэт зүйл бүтээн хөгжих нь бидний эрхэм зорилго.

Та бүхний бидэнд үзүүлсэн итгэл, хамтын ажиллагаанд гүн талархал илэрхийлье.

Амар даатгал компанийн хувьд 2024 он амжилт, ахиц дэвшлээр дүүрэн он байлаа.

Бид нийт 21,099 харилцагчтай хамтран 16.1 тэрбум төгрөгийн цэвэр хураамж төвлөрүүлж, гэнэтийн эрсдэлтэй тулгарсан 3,671 харилцагчид 5.4 тэрбум төгрөгийн нөхөн төлбөр олгосон байна.

2024 онд Компанийн хөрөнгийн хүрэлцээт байдал 222 хувьд, төлбөр гүйцэтгэх чадвар Санхүүгийн Зохицуулах хорооны тогтоосон хамгийн дээд түвшний шаардлагыг хангаж, зах зээлд найдвартай, тогтвортой даатгагчийн байр сууриа дахин баталлаа. Иймд бид хамтын ажиллагааны харилцаагаа өргөжүүлж, түнш байгууллагууд, төлөөлөгчид, давхар даатгагчидтайгаа нягт хамтран ажилласан нь манай амжилтын үндэс байсан.

Дэлхий дахинд өрнөж буй Дижитал шилжилтийн эрин үед даатгалын төдийгүй, бүхий л бизнесийн салбарт хурдацтай хөгжиж буй дижитал технологитой эн зэрэгцээ явах шаардлага болон сорилттой нүүр тулж байна. Бид зах зээл дээрх байр сууриа улам өргөжүүлэхийн тулд технологид суурилсан бүтээгдэхүүн үйлчилгээг хөгжүүлж бүтээмжээ нэмэгдүүлэхэд анхаарлаа хандуулан ажиллаж байна.

Эерэг өөрчлөлтийг бий болгох, эерэг нөлөөг нийгэмд үзүүлэхэд тухайн байгууллагын цар хүрээ болон хэмжээнээс үл хамааран байгууллага бүрийн
оролцоо хүчин чармайлт чухал гэдэгт бид итгэдэг. 2025 онд бид мэдээллийн аюулгүй байдал болон технологийн хөгжилд чиглэсэн хөрөнгө оруулалтаа
нэмэгдүүлж, даатгалын бизнесийг Монголын зах зээлээс хальж тэлэх дараагийн алхмаа хийхэд бэлэн байна.

Та бүхний үнэтэй дэмжлэг, хамтын ажиллагаанд талархал илэрхийлж, цаашдын амжилтаа хамтдаа бүтээхийг хүсэн ерөөе.

Удирдлагын баг

Бид юу хийдэг вэ?

Компанийн танилцуулга

Амар Даатгал ХХК нь даатгалын салбарт 22 жил үйл ажиллагаа явуулж буй итгэл даахуйц, туршлагатай компани юм. Мэргэжлийн, туршлагатай баг хамт олныхоо ачаар бид үйлчлүүлэгчдийнхээ талархлыг хүлээсэн. Бид иргэд болон байгууллагуудад зориулсан олон төрлийн даатгалын бүтээгдэхүүнийг санал болгодог бөгөөд дижитал платформуудаар дамжуулан түргэн шуурхай, даатгуулагчийн хэрэгцээ шаардлагад нийцсэн даатгалын үйлчилгээг хүргэхийг зорьдог.

Даатгалын шийдэл

Иргэдийн даатгал Байгууллагын даатгал Давхар даатгал Даатгагчийн баталгаа Нөхөн төлбөр

Бидний тухай

Компанийн танилцуулга Тайлан мэдээ Салбарууд

Бусад

Мэдээллийн аюулгүй байдлын бодлого Ажлын байр Лого татах Түгээмэл асуулт Журмууд СЗХ-д бүртгэлтэй даатгалын бүтээгдэхүүн

Энх Тайвны өргөн чөлөө 17, Блю Скай Цамхаг, 20 давхар, Улаанбаатар, Монгол улс

1800-2111, 7755-9995

info@amardaatgal.mn

Төв оффис

Даваа-Баасан 9:00 – 18:00

Харилцагчийн үйлчилгээний төв

Даваа-Баасан 8:00 – 20:00